Thought of The Day - مابي أسافر

أيتها المراكب التي ترحل

الراحلون يذهبون نحو الحب

و نحن الحب إلى أين نذهب

أيتها المراكب

.

.

.

قاسم حداد

ما تسوى

ساعات و انا بالدوام .. قاعدة بمكتبي بروحي
ودي أمسك التلفون و أدزلج مسج و أسأل .. ما ولهتي علي ؟
ما ودج تسألين عني و تعرفين آخر أخباري ؟
وين رحت و وين يـيت
و شلون النومة في بيت عمتي ؟
ما ودج تسولفين لي عن دوامج ؟
ما ودج تخرين لي سوالف مروة وشريفة ؟
صار لنا 3 أو 4 أيام ما ندري عن بعض … ه
يقولون الجفا يقسى القلب .. بس أنا قلبي كل ماله و يخق أكثر

انا ولهت ... ولهت وايد مو شوية

وودي لما اشوفج ألمج حيل و أقول لج اني وايد محتاجة لج
محتاجة لج من غير ما تعايريني بعيوبي و زلاتي
أو تجرحيني بكلامج اللي مثل السم
محتاجة لج من غير نصايح . . من غير تفلسف .. من غير لسانج الزفر

تصدقين حتى لما شفت مقابلة أحمد الفهد امس بالراي
تمنيت أدز لج مسج .. أقولج لاحظي سيقانه .. شكله مو لابس مكسر
تمنيت انه نضحك مع بعض على النفاق و التمثيل و الدعاية اللي صارت
و اليوم عقب ما سكرته من أبوي و تحلطمنا على السفارة البريطانية
كان ودي أدق عليج ... و اقولج انا بروحي مو مشتهية اسافر هالصيف
بعد يسوون لي سوالف جذي .. بس عوووع ... ماني مسافرة لندن مرة ثانية

فيني كلام وايد ... بس ما أقدر أكتب أكثر

اففففففففففففف .... شكلي راح أدق عليج الحين

حي صباحك

كيف تدري إن يحتاجك صباحي
و العصافير على همي تعاف الانشراحي ؟
كيف غنتْ لي غصونك ؟

.
طلّ صباحي من ضيا شمسك و لونك
كيف تدري اللي مضى
بعثر ظلالي و مستراحي ؟

.
جات لي فـلـّة من كمامك
وازهرت تــلـّة نواحي
قول ..... ه
صبـّح ..... ه
قلبي ريشة من تحت خطفة جناحك
خذني كلمة من نسايم ورد تنثرها رياحك

.
يااااااااه
يا صباح الحب من هاتف قصيدة
مرّ بي طيفك على دنيا جديدة
يااااااا رب يسعد لي صباحك

.

.

.

.

للشاعرة البحرينية حصة البوعينين

أغنية .. و علة الأسبوع

عشان خاطر المسج اللي اندز لي الصبح

ماراح أضيق خلقي على أي شي اليوم

ولا راح " أذرف دمعة " ه

و كاني قاعد أكتب

:: :: ::

(صوت السهارى )

الأسبوع اللي طاف حضرت أمسية دار الأثار الموسيقية اللي أبدع فيها عازف الكمان الرائع د. راشد جمعة و لأول مرة أسمع صوت السهارى كمقطوعة ، كانت شي ثاني ! هزتنا هز .. حتى الوالدة وايد تأثرت بعد ما سمعتها

::

ما أود قوله هنا هو أنني عندما أستمع إلى الكمان و هو يأن و ينوح و ينتحب مع عازفه أشعر بأنه أكثر الآلات الموسيقية تعاطفاً مع أحاسيس البشر ، و دائما ما أجده أوتاره تـنقـل و تـترجم وجدانيات الانسان بطريقة مدهشة .. حزناً كانت أو فرح

:: :: ::

(أفففف )

I love it when my coworkers wear a perfume I like and I can never tolerate it when the opposite happens !

هالأيام متـنسية بريحة وحدة معاي بالدوام و ماني قادرة أسيطر على الموضوع و المشكلة انه يـبين على ويهي

و بما إني يبت طاري العطور

Don't miss the new fragrance of Mont Blanc

نسيت اسمها بس لونها وردي

حدها تدوّخ

Homeless

ودي آخذ إجازة من الدنيا لمدة شهر .. و مابي آخذ أحد معاي