مدخل : ه
لا عيب .. لا خوف .. لا فشلة
و أهم شي
Rule no.2 : No Second Thoughts
>
(1)
.
لما تكون في مكان الكل فيه بلا إستثناء يبي يستانس
يصير في المكان طاقة غريبة تخليك مبتسم حتى لو كنت قاعد
بمكانك ... تطالع و تسمع من بعيد
أتوقع اللي شاف شوارع بنيدر الأيام اللي طافت
حس بهالشي
.
(2)
.
أمس و قبل أمس
كان في شي بالبحر .. بالرمل .. بالصخر
بالشمس .. بالقمر .. بالهوا
أكد لي إنه
كل ما قرب الإنسان من الطبيعة
كان أقرب إلى ذاته و تصرف على طبيعته أكثر
و هالشي وايد يريح .. و يعطينا بريك
كل ما قرب الإنسان من الطبيعة
كان أقرب إلى ذاته و تصرف على طبيعته أكثر
و هالشي وايد يريح .. و يعطينا بريك
من القلق اللي لاشعورياً نحط روحنا فيه
بحياتنا المدنية اليومية
.
(3)
.
الـ طعوس بـ الهمر
الـ طعوس بـ البقي
الـ طعوس بـ الوانيت
كانت عبارة عن تعويض للخمسة أيام
اللي قضيتهم بالبيت
كنت محتاجة شي يرج لي الأدرينالين
و يعفس دقات قلبي
بعد حالة الركود اللي كنت عايشتها
و فعلاً إستانست وناسة سنة بساعة
و الحمدلله إنه عدانا الشر و مرت الوناسة بلا إصابات
but recalling " the jump " is a nightmare !
:P
.
(4)
.
تعودنا إنه نعزم رفيجاتنا على
ريوق/غدا/عشا بمكان حلو
و تعلمنا إنه نهديهم شي يحبونه بالمناسبات
و ساعات من غير مناسبة
بس جربتوا تعزمونهم على مغامرة غير مألوفة ؟
على شي يديد ما جربوه من قبل ؟
قط مرة فكرتوا تهدونهم لحظة لا تنسى ؟
أنا جربت هالشي أمس .. و حسيت
بالرضا عن النفس لما إستشعرت فرحتهم
معانا
.
مخرج : ه
Rule no.3 : DO IT NOW OR NEVER !
