مراات .. ما أعرف أصير نحيسة

في ناس وايد حوالينا عندهم ميل لهوايات معينة بس ما يدرون شلون و وين يمارسونها واللي يحرني بالموضوع إنه ما يدرون إنها موجودة بالكويت و الوصول لها سهل جداً بس يحتاج لسؤال و بحث لا يكلفان الكثير من الجهد و الوقت . على سبيل المثال ، في أشخاص من مختلف الأعمار يحبون

Riding Bicycles ..

وودهم يمارسون هالرياضة بمكان مفتوح و آمن و بنفس الوقت مالهم خلق يشترون " قاري " ، فشنو الحل : ه

::

بكل بساطة .. يروحون الجزيرة الخضرا .. لا تضحكون علي .. بتقولون بروك من وين طالعة ؟ بس محد راح يصدقني إلا لما يعيش اللحظات اللي آنا عشتها هناك قبل أمس . والله لقينا قواري تـناسب جميع الأذواق ، يعني اللي يبي بو أثنين أو ثلاثة أو حتى أربعة .. كله موجود . وصج إنه قواريهم داثرة شوي من الإستهلاك و كحيانة .. بس حق الوناسة تـفي بالغرض . الحلو بالمكان إنه ترفيهي لجميع الأعمار- حتى الشياب و العجائز - و لمختلف المزاجات ومناسب لممارسة جميع الهوايات المفيدة و غير المفيدة مثل : ه

.

المشي

.

الركض

.

التصوير

.

التـــنـــفــس

.

الحب

.

الكتابة/القراءة

.

Swinging

لأنه دوارفهم عجيبة

:P

.

حتى التشيش .. أكو خوش معطم/قهوة هناك ( و أهم شي إنه فيها سحلب ) تصلح حق السياح الأجانب على قولة رفيجتي .. يعني اللي عنده وفد رسمي أو زوار مو عارف وين يوديهم >> يروح الجزيرة الخضرا و الأحـلـى من كل هـذا ، بانوراما مدينة الكويت من هناك ... الأبراج .. المباني .. المجمعات الجديدة .. المطاعم .. الـلإضـاء !ه

.

شي يأسرك و يخليك تتسمر بمكانك . و الله العظيم إني طول ما آنا قاعد أسمع تعليقات رفيجتي و هي مستانسة بالمكان .. أدعي حق الشيخ جابر الله يرحمه صاحب فكرة هالمشروع على حسب علمي

::

على فكرة رفيجتي قالت لي لا تكتبين عن هالمكان عشان ما يصير زحمة .. حلاته بهدوءه .. بس كعادتي

مااااا أعرف أسكت

Related Links :

http://www.q8extreme.com/

>

http://www.q8xtremehobby.com