و أنا أكتم غيظي عند مشاهدة مسلسل فضة قلبها أبيض
أو حين أشعر بالرغبة بالدخول إلى شاشة التلفزيون أثناء تأثري بـما يحدث لأبناء التنديل
أو بعد أن أمسح دموعي مما تفعله بي " موزة " في الداية
و عايشة في عيون الحب
أتساءل .. شالله حادني أتابعهم ؟ !ه
...
ظلم .. فقد .. خيانة .. سحر .. كآبة
.
هل هذا فقط ما يجمـِّـل أي مسلسل في أعيننا ؟
لم لا نـقــِّدر أي عمل فني إلا اذا إستفز فينا الشعور بالحزن و الرغبة بالبكاء ؟
أهناك رابط أو علاقة طردية ما بين
قيمة المسلسل الأدبية/الفنية
و
كمية الدموع/ الشتائم التي تفيض من المشاهد ؟
لم لا يبدع الممثلون في أدائهم إلا حينما يكونوا .. ظالمين أو مظلومين ؟
...
و عندي سؤال محيرني ماله علاقة بالمسلسلات
ليش الناس لما يصفون سهولة الشيء .. يشبهونه بشربة الماي ؟
من قال إن شرب الماي سهل ؟
آنا صار لي سنين أحاول أشرب لترين ماي يومياً ..ماني قادرة
و ليش العلماء ما إكتشفوا كبسولة ترطب الجسم و البشرة
و تغنينا عن شرب الماي بهذه الكميات
صحيح إنهم إكتشفوا كريمات مرطبة .. لكنها أبداً ليست كافية لأن مفعولها سطحي فقط
و بعدين مليت و آنا أتدهــَّن .. ليل نهار
...
One more thing
مو حلو شعور إنك تتولع بطفل ما تقدر تشوفه
إلا بالسنة حسنة
أو تدمن شي مو موجود إلا في
The Avenues !
28 comments:
elsoora wayid 7ilwa!!!!
شوهوا سمعة الكويتيين بره الديرة
احنا ناقصين
لأن عملية شرب الماي وايد سهلة :)
Yo3ana ..
Barakatich ;)
:: :: ::
محسد
من جاب طاري سمعة الكويتيين ؟
يا إنك ما تتابع المسلسلات اللي ذكرتها أو إنك ما فمهت اللي كتبته عنهم
أو الإثنان معاً
من السهل إبكاء البشر
لكن من الصعب إضحاكهم
يمكن لأن ماكو معايير جمالية للضحك
!!
اتفق مع سلوقا..
ترا فعلاً إني ابجي مع عايشة / هدى حسين
اسهل بوايد اني اضحك على سخافة البلام والدرويش .. من شفت اول حلقة عرفت الباجي ..
يمكن عشان جذي الدراما تشتغل برمضان من باب اكسب أكبر شريحه من الناس باسهل الطرق ..
:P
بس أمانة مو تكسرالخاطر عايشة؟
بدعت هدى حسين لما تتبجبج
من قلب قلبها
واذا على الماي
اي والله صاجه
ترا صعب اني اشرب قلاصين ماي باليوم
مرات يحوشني احساس اني جمل
اشرب ماي وايد يوم واقعد يومين ما أشربه
:/
وااااي اتشوق الصورة
بخاطري احط صبعي بالسيرب
هههههههههههههههه
مشكلة المؤلفين عدم قدرتهم على إيصال المحتوى للمشاهد عن طريق النص، لذلك يلجأون إلى الحيلة القديمة والمتمثلة بالإفراط في المشاعر بهدف التأثير على المشاهد
Hehehe! Glad you like the Crepe Cafe ;) I am gonna point someone to your post and pic who will be made very happy when they see your affection for the place LOL ;) Have you tried the waffles and the smoked salmon omelet? Yum! My own personal concoction: crepe with banana, clotted cream, honey and toasted coconut, with a little dab of nutella on the side. (*So hungry* right now!)
As for cremes and hydration and such - well, I have the opposite problem as you do. I am a hand/body creme and water-a-holic. They can be very inconvenient problems to have at times. So count your blessings ;p ;p
(Hows Ramadan with you Broka dear? Walehna 3laych and hope to see you soon :**)
في يهال من صج
addictive
i'm crazy about wa7da who doesnt even live in kuwait :/
الكريب يشوق
الاولى صح
والثانية غلط
...بروك
لأن صناعة الكآبة أسهل بكثير من رسم الضحكة على الوجوه
...
انصحج اتابعين أسمهان فوق هالخماتشير الكويتية
...
بخصوص الماي اتفق معاج
زين منهم بنات الكويت
!زين ما نشفوا وصاروا سحالي
...
:) جربي عندهم النوتيلا
حوار البنات اليوم ضحكني
نوع دلال يصلح زوجة وبس
الرياييل يحبون النزغة
:)
دلال قررت أن تخرج من حياته
علها تدخل قلبه
ربط جميل
انا ما شفت الا فضه و حااااااااااارني هذا نسيت اسمه الي يخوووووووووووووون مرته
مع اني ما احب مراااااااام
بس اهني عورت قلبي صصصصصصصصج
ماكو فن
صار صناااااع الفن غير مبدعين
و صار الكل هدفه الفلوس
ففقد كل شي قيمته
Sologa Bologa ..
صح .. كلامك لكن اللي أقصده إنه ليش العمل الفني اذا صار مليء بالمآسي و الأحزان يجذبنا أكثر
هل لأن هذا الموجود و المعروض حالياً ..أم أن المشاهد أصبح يفضل هذه النوعية من الأعمال
لا أدري ..لكن شخصياً .. المسلسلات اللي ذكرتها في البوست عاجبتني ..لكن كمية المشاعر السلبية اللي فيها تجعلني أشفق على نفسي بعد مشاهدتها لكن في نفس الوقت لا أستطيع أن أمنع نفسي عن ذلك
:: :: ::
نون النساء
خلي الأعمال الكوميدية على جنب
ليش المشاهد يقدِّر العمل اللي يبكيه أكثر من العمل اللي يفرحه ؟
يفرحه بمعنى أن تكون الأحداث مثيرة للمشاعر الإيجابية
مو شرط يعني عمل كوميدي يضحكه
::
هدي حسين .. تبكيني في دموع الحب
و تغضبني و تقهرني في مسلسل فضة
مبدعة في أداء الشخصيتين
و لاحظي .. في دموع الحب مظلومة
لكنها في الثاني ظالمة و تبط الكبد
و مع هذا نجحت و نالت إعجاب المشاهدين في الأثنين
::
طلعتي من ربعي .. جمل ها ؟
;P
::
Here is more for u :
http://www.flickr.com/photos/rosaholic/2800436227/
And
http://www.flickr.com/photos/rosaholic/2808048989/
فهد العسكر
كلامك ينطبق تماماً على الداية و عيون الحب
حياة الفهد هذه المرة همها أن تبكينا على الداية أكثر من بكائنا على الفرية .. و أظنها نجحت
أما عيون الحب .. فقد حطمونا في الحلقات الأولى و كاني آنا وحدة من اللي تعلقوا مو حباً بالمسلسل لكن أبي أعرف شنو مصير كلاً من هدى حسين و إلهام الفضالة في نهاية المسلسل
:: :: ::
Ms.Baker
OooOh if u know the owner plz tell him/her to open another branch in Kuwait City ! Coz it's really hard for me to go to the avenues everytime :P
::
I only tried the pancakes and crepe ...yabeela breakfast with u after el 3eeeed ..:*
::
I can't live without my moisturizers .. I love them but at the same time I hate how much I need them !
Well .. I feel that it's addiction more than a need .
::
Broka is great .. o aham shay enjoying Ramadan nights to the fullest coz I'm on a leave ;)
Fashionista ..
doesn't live in q8 !
حالتج أصعب من حالتي
::
try it out someday .. their pancakes are something .. I didn't like the crepe that much .
:: :: ::
Aseel
حرام عليج ..فضة مو خماتشير ! ما أرضى عليها
إسمهان ودي أتابعه ..بس ما عندي أي معلومات عن وقت و مكان عرضه ..
I have to search now since I have the free time to watch it .
::
حياتي من غير كريم ..صحرا
::
تدرين إني رحت اليوم كريب كافيه مرة ثانية .. غير أمس
و طلبت نوتيلا
أبيه حسيت إني مو صاحية
بس هالمرة مو متعنية ...رايحة آخذ قميصي من محل قريب منه و ما قدرت أقاوم
::
حلقة اليوم عجيـــبة
و هالجملة اللي ذكرتيها أعجب
فعلاً أحياناً نحتاج أن نخرج من حياة البعض حتى ندخل قلوبهم
Lawyer ...
إسمه عادل و حبيبة قلبه الفهرة ..إسمها سحر
و دلال-مرام ... يا ويلهم من حوبتها
بس حرام لا تقولين ماكو فن
فضة قلبها أبيض .. عمل متكامل .. لكن عيبه الوحيد الوحيد مثل ما ذكرت إنه يستفز مشاعر الغضب و الحزن
و بالتالي يتعب نفسياً المشاهدين اللي يندمجون بضمير ..زي حالاتي
bs a7sn mn kl sena make up oo rag9
shkla yabela crepe!
=D.
Kaika Mgroma ..
صاجة .. السنة غير .. آنا أول مرة أتابع أربع مسلسلات برمضان
العادة حدي أثنين
انا اتابع نفس مسلسلاتج
اشوف فضة اخفهم وطئ في القهر و البكاء
بس ايا كان
خلينا نتفق ان انتي ذوقج اعلى احيانا
من ذوق العام
و انا هني ما اترفع
بس للاسف في زمن ما لما كان الكل ينتقد فجر السعيد
كانت اهي الاعلى مشاهده
يعني بالفعل الجمهور عايز كده
و للاسف هذا واقع ..و هذا الواقع اهو اللي جر المنتجين لأن ينتجون هذا النوع من المسلسلات في رمضان
عبدالحسين
الاعمال اللي انعرضت في السابق كانت كلها كوميديه و ما نجحت
كثر ما برز وابهر الناس في اداء في التنديل
هدى حسين مبدعه
و انا عن نفسي راح اسمي السنة سنة هدى حسين
رغم كمية الكبار اللي نازلين في رمضان
لانها بالفعل تميزت في اداءها في العملين
و خل اححر قلبج
للاسف حاليا الاعلى مشاهده حسب ما اسمع
شر النفوس
ملاحظة
آنا معاج .. فضة ما تحر و تبكي كثر الباجي
و الحلو فيها إن حلقاتها ما تخلو من الـ
comic relief
::
أعتقد أن الجمهور اللي خله مسلسلات نايف الراشد و فجر السعيد .. ياخذون أعلى نسبة مشاهدة ..أهو نفسه اللي وصل النواب الحاليين إلى المجلس
رداءة الذوق العام أصبحت تكتسح كل شيء مو بس الفن
مع الأسف
::
أختي وايد معجبة بأداء عبدالحسين الدرامي
لهذا السبب أحس إن احنا ناس ..نربط نجاح الشيء ..بقدرته على التنكيد علينا
::
هدى حسين .. سعدت بعودتها بهذا الأداء من جديد
هذي هدى اللي حبيناها قبل الغزو
::
شر النفوس ما شفتها
و عساني ما اشوفها خير شر ..حتى لو بالغلط
ماتابعت ولا اصلا شفت اي مسلسل غير فريج, ام خماااس
ماعندي شي اقووله عن المسلسلات .. اما الماي , انا عودت نفسي ما انام الا لما اشرب بطل الماي اللي حاطته يمي و دايما الغرفة فيها بطل ماي ,و الصبح لما اقوم هم اشرب ماي يقولون زين ع الريج الماي اللي بدرجه حرارة الغرفة , و هم ااخذه معاي السيارة , و لما اطلع بعد صار روتين اطلع و معاي بطل ماي صغير
المهم انا داشة اسأل متى بتمرينا ;p ??
يا أم تلفون مغلق
آنا وايد علي طلب هالأيام . . مادري شسوي بعمري
:P
شوفي يا الأربعا .. يا الخميس .. سوف أتصل بكِ
اذا سمح لي تلفونج
أنا ما تابعت غير الدايه و لاعبه بحسبتي لعب
الله يهداها خالتي حياة شنو يعني 3 أيام متواصله من النواح و البجي؟؟ و الله نفسيتي تعبت و غلقت حييييل
فضه ما بلعت اول الحلقات بس هاليومين شفت حلقتين و الله جنها زوينه على الاقل فيها ضحك
بس مو باط جبدي الا الراوية المصرية.. صج سميحة أيوب؟؟ مو لاااااااااايق صوتها مع الاحداث
امبيه يقلدوووون يعني ديسبرت هاوس وايفز
:\
اما شربة الماي قالولج شربه.. يعني يقمه.. يعني جغمه اللي هو
ما قالوا قحنة ماي
أنا معاج ان القحنة صعبة وايد هههههههههه
اما الكريب شكله خطييييييييير
اشوه اني ما جربته ليلحين جان تولعت
ياللخسارة أن مسلسل "ظل الياسمين" لم يكن ضمن برنامجك
مبارك عليج باجي الشهر
كل اناء بما فيه ينضح
this is what i say about those who bring to us those messed up tv episodes!!
if they have any thing better in their heads, they would of course show it!
but, they are messed up.
as for you and others who WATCH and YISHTIKOON.. maybe you all still have the old aryel which shows only 2 channels.
i mean, ako 500 channels! change it and watch something better ;)
That looks absolutely DELICIOUS !! I'm very tempted very ..
Ana agol bedal 3awar il ras wil musalsalat il maleeqa (this is my third year ma atabi3 wala adri 3an shay) try doing something fun like cooking ! ;p
Or forget about TV alltogether and watch movies.. I just finished Babel by Brad Pitt the other day.
فعلا انا اشوف ان فيه علاقة طردية المشاهد دايما يميل الى الدراما يحب الحزن و النكد و انا اعتقد ان الانتاج اهو الي وجه المشاهد حق هالاسلوب و خلاه يتشبع منه لدرجة ان بدا يقيس نجاح المسلسل و فشله بمقدار الدراما و الشتائم الموجود فيه
العذر الوحيد لشركات الانتاج ان المسلسلات لازم تعكس الواقع و الواقع جذيه على قولتهم
انا اقول حتى لو الواقع جذيه بس في شي اسمه معالجة درامية و بعدين لازم يعرضون حل مقنع عالاقل للمشكله الي يعرضونها و لا شنو الفايدة من الدراما
الاعلامك رسالة لازم توصل عدل و الاعلام سلاح ممكن يدمر المجتمع كله
اسفة عالاطالة بس منقهرة على مجال عملي
مع الشكر
Purplecious
الداية :
أشوة موزة ماتت ..يعني ارتاحت و ريحتنا معاها .بس الله يستر من الحلقات الأخيرة
::
فضة :
لا مو بس زوينة ..وايد زينة بالنسبة لي ..
و ما عندي مشكلة مع تعليقات الراوي ..بالعكس أحسها أضافت الكثير إلى أحداث المسلسل
لكن إخيارهم لسميحة أيوب أكبر غلط
لا صوت و لا نطق و لا إلقاء
::
حتى الجقمة على قولتج ..مو سهلة
يمكن المشكلة فيي .. والله مادري
:: :: ::
الأجنحة المتكسرة
يا هلا
:*
علينا و عليج
والله يمدحون ظل الياسمين .. بس آنا قايلة بخليه حق بعد رمضان
4 مسلسلات كويتية بوقت واحد ...وايد علي
::
The Simper
The ones I mentioned are not messed up they are overwhelming and depressing ..that's it .
:: :: ::
The Tooth Fairy ..
If u go to The Crepe Cafe , I will expect a post abt it ;)
::
As to cooking
ما سويت شي هالشهر غير البيتزا و سلطة البطاط
مع إني شارية كتاب عبير الراشد .. و حده يشوق و سهل
بس لي الحين ما نزل علي الوحي
:: :: ::
الوتين
وجهة نظر
أتفق معاج ساعات ..يتأخرون في الحلول .. و يخلونها حق الحلقة الأخيرة
which is toooo late .
Post a Comment