يا كره اللي يسافرون لهم جم سنة أمريكا .. دراسة ولا شغل .. و يردون الكويت رافعين خشومهم كارهين كل شي هني .. يمشون و يذمون كل شي كويتي . يعني اشدعوة معقولة هالديرة ما فيها شي ينحب ولا يسر الخاطر ؟
.
قبل شوي كنت مع وحدة من الأهل .. كانت عايشة بأمريكا و صار لها شهر تقريبًا من ردت الكويت و حدها متحسفة وودها ترجع اليوم قبل باجر بس ظروفها العائلية ما تسمح . من دخلت عليها لين طلعت و هي بس تنتقد .. أقول لها بفهم شاللي مو عاجبج بالضبط .. بس 24 ساعة مستلمة الكويت و الكويتيين .. اش صاير بالدنيا ؟
ترد علي : ولا شي عاجبني ! ه
والله لو إنها مو حامل جان قعدت داحرتها .. بس من له خلق .. و بعدين حب الوطن عمره ما احتاج اقناع
.
.
.
خلف الله علي من أسافر لي جم يوم هف قلبي على هالديرة .. و رديت كلي حب و وله و امتنان لأني كويتية
و على فكرة .. ما حبيت لبنان
10 comments:
من هد داره قل مقداره
ترى خوش حكمة ..انا مقتنع فيها
سلام يا العزيزة
:)
هذي تعاني من الصدمة الثقافية أو الحضارية مثل ما يسمونها ساعات
كل اللي رجعوا من برة عانوا من هذا الشي وبالذات الي عاشوا في أماكن متقدمة حضاريا
أما لبنان فمع إني ما رحت لها إلا إن مثل ما سمعت إن الجو والفاكهة وقعدة البلكونة تسوى الروحة
:)
عادي خلها تنتقد ماكو علاقة بين الانتقاد وحب الكويت:)
7mdellah 3al salamah :*
I'm dieing to be back there is no place like home
Someday
ماردها بترد تحبها
غصب .. ليش تعورين قلبج
بالعكس .. هذا يخيليج تحبين الكويت زوود
:D
******
HAVE A NICE WEEKEND
;D
أعرف ناس لا درسوا و لا اشتغلوا بأمريكا و هم مستذبحين عليها
في ناس صج مو كفو النعمة اللي أهمة فيها
ليش ما حبيتي لبنان؟
آول شي الحمدلله ع السلامة
ثاني شي ... النوعية اللي تكلمتي عنها مرت علي ومن كثر ما يتذمرون ماشاءالله كل كم ويك اند يا دبي، لبنان، البحرين او مصر !! شدعوة ؟؟ يعني بفهم شنو اللي موجود هناك مو موجود هني !
انا وياج وفي ناس مثلنا يشوفون الكويت اكثر من مجرد وطن !
بس في ناس عيونهم ضيقة وينكرون النعمة... حسافة عليهم الدفتر الأسود
وعلى فكرة انا بعد ما حبيت لبنان... رحت لها وقطعت الرحلة ورجعت الكويت !
maybe because they don't have A LIGHTHOUSE ;)
تصدقين بروك؟ اخوي درس ٣ سنين في امريكا وكل اجازة يرجع لنا زهقان منها والحين رجع بلا ردة وحذف وراه الف صخرة وبيكمل في الكويت
هذا واهو مفتر فيها وفي جزرها.. مو عاجبه جوها وجو ناسها يقول لا الديرة ولا اوادمها سنعين
اللي متعود على حلاة اوروبا صعب تعجبه امريكا
واللي متعود على دفا الكويت صعب يرتاح هناك
كافي فيها الناس اللي نحبهم حتى لو كانت مغبرة ومسكربة
افتلت عليج وانا غاطة من مدة عن البلوجات
:)
متفائل
صح و حسيت فيها أكثر يوم رحت لبنان
معاملة اللبنانيين لنا صايرة زفت
:: :: ::
Nikon 8
لو إنها منولدة هناك و توها تشوف الكويت جان يمكن قلت
culture shock
بس إهي راحت و عمرها 23 ... قعدت
لها جم سنة و نست الكويت
اشدعوة
::
أما لبنان .. الشقق اللي فوق الجبل بـ فالوغة إي تسوى
بس مادري ستيل ..ما حبيت عالديرة كلش
:: :: ::
Anonymous
في فرق بين اللي ينتقد و قلبه محترق على البلد .. و اللي ينتقد عن كره و و يدور عذرعشان ينحاش منها اليوم قبل باجر
:: :: ::
Someday
الله يسلمج و يردج بالسلامة
:*
:: :: ::
Al-Noor
ما ظنتي
بس على قولتج مادري ليش حارة قلبي
:: :: ::
Bloggerista
صح .. ماكو احساس بالإنتماء
أما لبنان .. وايد أسباب
ديرة داثرة وواقف فيها الزمن و لا فيها شي مميز .. و شعبها انقلب فوق تحت من الحرب و الفقر .. قمة بالوقاحة و قلة الذوق و الحقد
:: :: ::
X-Blogger
الله يسلمج
حسافة فيهم الجنسية من قلب
::
تصدقين ..أنا لو بيدي ..جان سويتها و رجعت ..بس مفتشلة من اللي معاي
إهي مو بس ما فيها لايت هاوس ...ما فيها شي خير شر غير المطاعم و المحلات
الشي الوحيد اللي حبيته رحلة مغارة جعيتا
:: :: ::
Aseel
أخوك حالة نادرة
أنا ما عندي مشكلة مع أمريكا كدولة و شعب .. بس اللي يحرني عدم الإحساس بالإنتماء و شلون يفضلون أي ديرة ثانية على الكويت
::
أنا متعودة على حلاة مصر و القرى السياحية اللي فيها ... يمكن عشان جذي ما عجبتني لبنان
Post a Comment