كل ما استعديت لطلعة شاليه أو سفرة ..أخلي تزهب الهدوم و الجنطة إلى الدقائق الأخيرة
و قبلها بساعة أروح أفتح اللابتوب ..أحوس بالانترنت
بعدين أكتب بوست سخيف مثل اللي قاعد أكتبه الحين هرباً من الموضوع
و طبعاً أنسى نفسي إلى تأتيتني صرخة من أمي أو أختي
تردني إلى الواقع المرير وأسئلتة الأمر
مادري أي جنطة آخذ ؟
ولا أدري جم قميص ؟
البلوزة الأوف وايت وينها ؟
آخذ معاي جواتي زيادة ولا بس كافي ؟
ما أحب هالكلونية شسوي ؟ بس حجمها زين حق الجنطة
:: :: ::
رايحة الخيران يومين و رادة
يا ليت أقدر أكتب لكم تفاصيل هالطلعة من هناك
يمعة مثل هذي ..تستاهل التوثيق
5 comments:
I always say
يا ربي ليش الجناط تجهيزهم مو مثل الي بالافلام الواحد وهو واقف يقط اهدومه و يصك الجنطه و يفتك!! ليش هالعباله؟
enshallah you have lots of fun ;)
لاحقة خير إنشاء الله
لي رديتي بالسلامة
علمينا إشسويتوا
:)
enjoy your time :)
انجوي
بس ترى الجنطة مو بهالعبالة
تحذف من ورى الفراش الأساسيات أول تالي الباجي، دايركت ثلاث نقاط بالجنطة، وتالي إذا قصر شي الله ما كثر الجمعيات والمحلات
بروووك.. من بطلنا السفر اللي نشقل فيه خياش البسمتي وهندياتنا وكبتاتنا وانا مرتاحة، ما كان في مطار انطب فيه الا ونادوا اسامينا بالميكروفون وفشلونا بسبة هالشقلة والتأخير
الحين صرت ما اخذ الا جينزين وجم بلوزة وجوتي رياضة.. اقضي فيهم السفرة كلها، الا اذا ديرة فيها سهر او بحر ازيد عليهم جم شغلة، بشرط ما يرتبون لي جنطتي الا قبل جم ساعة او دقيقة!.. ترى اذا بتفكرين وتدققين بتشقلين الغرفة كلها
!!
قلبتي المواجع، دقيت ليلة العيد على بركات اقولهم ودوني اي ديرة قريبة، يقولي
الموظف: شوووووووووووو؟
مادموزيل اسييييييل.... انتي عم بتحلمي
:(
هذرت عليج وايد :-S
انشالله تستانسون.. عليكم بالعافية، اهم شي اليمعة
ننطر التوثيق :)
انتي عكسي
انا حتى اذا بسافر سفرة مدتها شهر
أسوي جنطتي بخمس دقايق قبل ما اروح المطار
:p
Post a Comment