الغالية نيكون .. من أمس و أنا أحاول أحل الواجب بس مادري شفيني مستثقلته
يمكن لأني مو مقتنعة بالسؤال أو بمعنى أدق بصيغته ؟
مادري ... بس عشانك بذكر الأشياء اللي طرت على بالي و اللي ما يعرفها عني إلا المقربين جداً
أولاً : عصبية جداً بطريقة لا يحتملها حتى أقرب الناس لي
ثانياً : أعشق شي اسمه " تشريبة كراعين" و هالسر ما يعرفه إلا أهل أمي
ثالثاً : أكره الحجاب بالرغم من ارتادئي له .. استغفرالله .. و يمكن لو يرد فيني الزمن ما ألبسه
رابعاً : أجيد الرقص البداوي .. و أعتبره سر لا يمارس إلا بحفلاتنا العائلية الخاصة جداً
خامساً : ما أقدر أعيش من غير كريم مرطب
سادساً : لدي هوس ترتيب بدأ معي منذ ما يقارب الست سنوات و استفحل بي بعد الزواج
