اليوم يايتني حالة من رديت من الدوام وانا اقول ودي اطلع مع أحد بس مادري منو أو انه أدري منو بس مو حاصل لي . أختي تقول كل هالرفيجات اللي عندج و ما تدرين منو . قلت لها .. هذا السبب .. مشتتة و كل صديقة موديل . محتاجة أحد مريح وونيس و أكون معاه على طبيعتي و أقدر أتناقش معاه بأمور مشتركة من غير ما أتوتر . اقترحت انا نطلع مع بعض بس قلت لها ..لأ أبي أحد يديد ( اشكره ) ..أبي سوالف يديدة .. أو على الأقل نطلع مع طرف ثالث من زمان مو شايفته . مادري .. حالتي صعبة (فهموني) ا
Subscribe to:
Post Comments (Atom)
5 comments:
والله فاهم الوضع عدل
بروك دودهتيني
تبين أحد ونيس ومريح بعدين تقولين تبين أحد يديد ... علميني شلون
سوالفج عن جد غريبة :)
عندنا و عندج خير :)
أنا في ألفة مع هالحالة فإذا ما لقيت أحد يوالم مزاج هالحالة ، أطلع بروحي ... أروح معرض رسم ، أمشي على البحر ، أروح مكتبة أشتري كتب مع علمي إن راح يوصلهم الدور لقراءتهم بعد أشهر
تبين أحد ونيس ، و في نفس الوقت تبين شخص يديد .... تناقض موجود عندي أيضا :)
I totally understand
Perhaps you should ask me out sometimes ;-)
Bo 9ali7 ..
يا حلوك ..أحب اللي يفهموني
::
الـله .. الأجنحة المتكسرة
منورة البلوق
شوفي يديد أقصد فيها شخص من زمان مو شايفته .. مو شرط شخص يديد بحياتي
أبي وجه غير مستهلك
;P
أختي بس صارت قديمة .. كل
يوم اشوفها و أقعد معاها
:: :: ::
Wild Mare ..
الحمدلله على السلامة
:*
يا كثر ما أطلع بروحي .. و يا كثر ما أروح الأماكن اللي قلتي عنها
انا حتى المسرحيات الدرامية قمت أروح لها بروحي .. ما أحب أتعطل على أحد اذا انا رايحة مكان يونسني
بس ساعات الروح تبي الارواح ... مو مهم الطلعة ..مو مهم المكان..تبين تكونين مع شخص ترتاحين له و تفرحين بقربه
و بنفس الوقت ..الساعات اللي تقضينها معاه تضيف لج شي
و مثل ما قلت للأجنحة المتكسرة ..يديد بالنسبة لي مو شخص للتو ظهر بحياتي ..لا
ممكن يكون شخص أعرفه من 20 سنة .. بس سوالفه يديدة علي
;)
And U are trly missed .
:: :: ::
Papi ..
Chan ba'7at !
How abt an early breakfast this weekend ?
Wallah no joke ..
Post a Comment