تقول فيني كبت

هالبوست كتبته أمس ، بس ما قدرت أنزله لأسباب انترنتية

(1)
.
أمس أول مرة بحياتي أنزل من السيارة و أرفع صوتي على ريال بالشارع
It felt cheap cheap cheap !
و كل ما أتذكر ويهه وهو يصرخ علي تلوع كبدي .. وع
على قولة اليهال : أهوا اللي بدا
.
بس أتمنى انها تكون آخر مرة
السالفة صارت أمس و لي الحين منصدمة من الموقف
و مو مصدقة انه اللي صرخت هي انا
.
.
(2)
.

اليوم بعد ما شفتهم لامين بعض .. حسيت اني مسوية انجاز كبير بحياتي .. حلو شعور انك تصلح ما بين شخصين كان بينهم خلاف كبير و فجوة أكبر حتى لو استغرق الأمر الكثير من الوقت و الجهد
.
.
(3)
.
كل ما رحت السوق أو الجمعية أو حتى طلبت من مطاعم الوجبات السريعة
قلت الله يعين اللي عندهم كوكش يهال
الأسعار في كل مكان حايشها تضخم
لا يصدق
.
.
(4)
.
جميل الشعور اللي يغمرني لما أغمض عيني و أسترجع ملامح ويهك كلها من غير ما ألجأ للصور

.
.
(5)
.
الريال اذا حب يثبت لزوجته انه يموت فيها يقدر يتصنع كل المشاعر
الا قلقه عليها
>
فنظرة واحدة في عيني زوج ينتظر زوجته و هي تلد
تكفي لاكتشاف مقدار ذلك الحب
و يااا حلو دموع فلان و هو يلم أخته أو أمه .. مع كل صرخة
يسمعها من غرفة ولادة زوجته
.
.
(6)
.
ننهي البوست بحكمة الاسبوع : ه
كل يديد ، ينسي قديم