250 - بركات الحـِـنة

*Updated*

Originally Uploaded by Broke

بعد 9 سنوات من التمني ..لقينا زبابيط بالصدفة

بس إحنا مجرمين .. يمَّعناهم الظهر و تعشينا فيهم بالليل

:/

I'm too tired to write more ... Will tell u my story with these lovely creatures later .

:: :: ::

03/08/2008

( ليش أحبهم ؟ ).

بإختصار في أكلات معينة نموت عليها و ناكلها و إحنا صغار .. و نستمر في علاقتنا الودية معاها لما نكبر ، مع إنه أذواقنا تغيرت مو حباً فيها بل حباً بالظروف و الأشخاص و الأماكن اللي عرفتنا عليها . الزبابيط تربطني فيهم علاقة من هالنوع بدت من أيام الطفولة

أحبهم لأنهم يذكروني بـ بحر الزور

أول مكان تعرفت عليهم فيه

أول مكان تعلمت فيه السباحة

أول مكان نمت فيه مع أهلي على الرمل ..جبال البحر

::

أحبهم ..لأنه بطعمهم

أستحضر مرحلة عمرية

ما راح ترجع

و مواقف و تجارب مستحيل تتكرر

::

أحبهم .. لأن الإنسان بطبيعته

يحن لـ كل شي راح منه

و الحنين دايماً يعطي للأشياء قيمة

حتى لو كانت بسيطة أو تافهة

::

هذا بالنسبة لسبب حبهم ..أما سالفة الـ 9 سنين

الله يسلمكم ..بعد ما انباع الشاليه اللي كنا نروح له بالزور ..انتهت قصتنا مع الزبابيط .. ما قمنا نشوفهم بأي مكان ثاني

مادري ليش

إلى أن رحت سان فرانسيسكو بـسنة 1999 وذقت شوربة الزبابيط بالكريمة اللي كانت مشهورة بالمطاعم اللي على البحر و من هنا تجدد ولعي بهم .. لكن للأسف ... ما صارت لي فرصة إني أذوقها بمكان ثاني ..لأني ما رحت أمريكا مرة ثانية و لا حصلتها بالكويت .. عشان جذي فرحت يوم شفتهم مرة ثانية الأسبوع اللي طاف بعد 9 سنوات من الفرقى

;P