متى تصير الساعة 10 ؟

(1)

.

اليوم اللي يمر من غير نومة الظهر ... يصير عبارة عن جلسة تعذيب نفسي

.

(2)

.

ليش الأبواب الأوتوماتيكية اذا وقفت جبالها ما تفتح لي .. يعني قلنا آنا قصيرة و نتفة بس مو لي هالدرجة ما أنشاف

السالفة تكررت معاي كذا مرة بسوق شرق و مرة بالجمعية .. و أمس و اليوم بمستشفى دار الشفا

الموقف كان حده محرج .. هذا غير الإحساس بالدقرة

.

(3)

.

من عادتي أن أتنرفز من الأشياء التي تشعرني بأنني غبية و بالتالي أكرهها أو أبتعد عنها .. و مشرف من المناطق التي تشعرني مو بس بالغباء إلا بالثوالة و انعدام التركيز و قلة الحيلة .. بس مشكلتي إني ما أقدر ما أروح لها لأن عندي رفيجتين غاليتين دايما أزورهم هناك ، يعني " و ما حب الديار شغفن قلبي و لكن حب من سكن الديارا " . و المشكلة الأعظم إن كل وحدة منهم بقطعة و كل قطعة لها مدخل و مخرج مختلف و اذا رحت لهم .. لازم أضيع و آنا هناك في دهاليزها و اذا طلعت ما أعرف أرد بيتنا .. الزبدة

مطلوب منكم يا صديقاتي العزيزات إنكم تفترون معاي فيها على يوم .. و تعلموني على كل مدخل و مخرج هناك مثل علمتني وحدة منكم على مداخل و مخارج و مواقف الأفنيوز.. اللي كان يحسسني بنفس الدرجة من الغباء