رخص و بشاعة

روابي البناي ماذا تريدين ؟

و ما هو هدفك من هالنوعية من التحقيقات ؟

والله العظيم قلبت كبدي من تحقيقك اليوم .. ما قدرت أقراه كله

طبعاً التحقيق اللي قبله ما قريته أبداً .. يكفي العنوان

لكن هذا كان فيه كلمة : " كويتية " عشان جذي ما قدرت أمنع نفسي

::

آنا عارفة إن في شريحة من القراء يعجبهم اللي تكتبينه

لأن كل ساقط له لاقط .. و أكيد مو كل قراء القبس نفسي

لكن ودي أعرف هدفك الشخصي من وراء ذلك

يمكن أقدر أحترمك حتى لو كنت أختلف معك

طبعاً في ناس بتقول ليش تقرين اللي تكتبه .. قلبي الصفحة

أحياناً هذا اللي يصير لكنني كقارئة دائمة للقبس يغيظني أن أرى صفحاتها تتلوث بمثل هذه الموضوعات

و يغيظني أكثر و أكثر كـ كويتية أن أرى من يتعرض للكويتيـين بالسوء و بهذه الطريقة الرخيصة

خاصة إذا كان الهدف منها مجرد الإثارة و التعرية

يعني لا طرحتي حل و لا ناقشتي الموضوع بـ رقي .. لأن هذا حدك

::

اللي حارني إنك عارفة ردود الأفعال مسبقاً و كتبتي في مقدمتك : ه

وسوف أتعرض لحملة هجومية شرسة. ولكن من أجل عين تكرم ألف عين، فمن أجل إيصال المعلومة وتوضيح ما يحدث داخل أركان مجتمعنا الكويتي الذي بدأ يتزعزع ويضعف، سوف أتصدى لأي هجمات

::

أي عين هذي اللي تبين تكرمينها ؟

و ليش لازم توضحين هالنوعية من الأحداث ؟

خاصة إنها سلوكيات فردية سيئة ، الحديث عنها يضر ما ينفع

ما تدرين إن تخصيص صفحة كاملة و تركيزك عليها بهذا الشكل

يصور الأمر و كأنه شيء منتشر و يستحق كل ما كتب عنه ؟

و يمكن يزيد الطين بلة ! ه

في مثل يقولك ليس كل ما يــُعرف يــُـقال

::

اذا عندك طاقة أو مساحة تبين تملينها.. إستغليها في التطرق إلى كل ما هو جميل و خيِّر في هذا المجتمع .. اللي على كثر سلبياته.. ما زال هناك شعاع من نور يضيء منه ، لكن هالنور محتاج ناس مفتحة تشوفه . و اذا انتي مصابة بعمى البصيرة .. فهذا موضوع آخر . في النهاية ما أقول إلا الله يصحح مسارك أو يفكنا مرة وحدة من أشكالك .. يكفينا اللي نشوفه بالتلفزيون . ه