وافشلتاه

صج إن زحمة الشغل برمضان تقزرعلينا الوقت و تخلينا ننسى دوخة الصيام و اليوع ، بس يا ربي فاقدة ساعات الصفا .. الجرايد .. المقالات .. بوستاتكم .. تعليقاتي .. فاقدة فضفضتي هني وأحس إني ضايعة من غير كل هذا . غير جذي .. الضغط مع الصيام قاعد يخليني أخرف .. يا إني أقول أشياء ما أعنيها أو إني أعطي اللي جدامي لحظة صمت تخليه في حيرة من أمره . و أمس عاد بدَّعت .. أمي كانت داقة علي من الظهر تقولي إن أختي بتفطر عندنا إهي و زوجها عشان أعمل حسابي . بس طبعاً رديت البيت .. نمت الظهر ... نسيت موضوع فطورهم و ما قعدت إلا مع أذان المغرب و نزلت بكل ثقة طرق البجامة والكشة منفوشة .. ويوم دخلت عليهم يا ليت أستوعبت وجود زوج أختي ... أبداً .. ما فكني من تسبهي إلا أخوي لما أشر لي بإيده و هو غاص بالكبة ! ه