اش هالتناقض ؟

مدخل : ه

أحاسيس لذيذة تعتري المرأة

عندما تشغل حواسها الخمس

في طهي الطبق الذي تحب لمن تحب

خاصة إن كان لديها قناعة بأن هناك من سيبتسم عند تناوله لأول" لقمة " ه

.
:: :: ::.

من أول رمضان و انا مبدعة بالطباخ .. أمي منصدمة مني و مو مصدقة . و نوعي أرد من الدوام سيده المطبخ .. بس مو كل يوم طبعاً . الحلو بالسالفة إني قاعد أسوي أشياء حتى طباختنا اللي صار لها عشر سنين عندنا ما تعرف تسويها . و وصلت مرحلة اللي عمي الكبير يوم ذاق الرز المفلفل اللي مسويته حق الغبقة ، دق علي من باجر و طلبه مني حق الديوانية . ترى صج انجاز إنك تسوي شي يعجب رجل كويتي عمره فوق الستين سنة . هذا غير إن نفس الطبق ، صار مطلوب بكل زوارة

( Ok , enough marketing )

:p

:: :: ::

.

مخرج : ه

.

اللي معجبني من نفسي إنه على الرغم من إني صرت أشيخ على العيوش و اللازانيا ، إلا أنني لي الحين ما أعرف أسوي شاي بالمطارة أو قهوة فرنسية/تركية ! لي درجة انه ويهي يقط ألوان ويصير حر اذا قالت لي جدتي سوَّي شاي بالزوارة ! ه