اليوم - لسبب أحتفظ فيه لنفسي - مابي أرد البيت بعد الدوام و العادة اذا يتـني هالحالة عادي أروح أتغدى بره بمكان و أشرب قهوة بمكان ثاني و متى ما طاح اللي براسي أرد .. الحين رمضان والفطور بالمطاعم ما ينبغى .. يعني وين أروووح ويـــــــــــن أوليّ ؟ ! ه
Subscribe to:
Post Comments (Atom)
17 comments:
تعالي تفطري عندنا,,,
؛)
ما سولفتي عن أبو النجوم,,
ترى ما رحت!
أرفانه كاتبه عن الامسية في بلوغها,,,
ما تمدح الوضع وايد,,,
والدنيا ما تسوى ,,
هدي أعصابك يا حلوة
:)
البحر
جبال سوق شرق
على واحد من الكراسي
قعدي وراقبي الماي
خلى البحر يكلمج وردي عليه
واذا منتى متحجبه
اطلقى العنان لشعرج
خليه يحس بالهوا حواليه
تيين نسويها بروك؟؟
أنا أقولج .. يا إما اتروحين المباركية أو اتردين البيت اتجابلين حكايات ART لما اتدوخيـــــــــــــــن و اتنامين :)
Amal ..
قريت بوست أرفانة قبل شوي و علقت عليه
have a look at my comment there ..
واذا تعدل مزاجي ..راح أدز لج إيميل اكتب فيه انطباعي عن الأمسية بالتفصيل
ان شااء الله
::
أنا معصبة لأنه مثل ما قلتي الدنيا ما تسوى
ماتسوى اللي شفته و سمعته اليوم الصبح
:(
:: :: ::
Zozota ..
ابي أبكي جباله من غير ما أحاتي احد يشوفني . فيني غصة مو راضية تروح و عيني تعورني من كثر مانا حابسة دموعي
بس ما بقى شي و يخلص الدوام
السيارة صارت المكان الآمن للبكاء
:: :: ::
Dandoosha
المباركية من أماكني المفضلة
بس مو لما أكون معصبة
خل أهدى ..و أروح له .. الجو بادي يصير لطيف .. و الفرارة هناك تونس وايد من قلب
1:56 PM
كل انسان يمر بحالات عصبية
أو نفسية أو تحوشه انفعالات غير طبيعية
لأسباب مختلفة
يعني انا تحوشني وايد الحالة النفسية
لي درجة اني اكره اشوف احد من الناس
ماودي غير اني اجابل البحر واسرح مع امتداد النظر بدون
حواجز او بيوت بس اشوف مكان بعيد
بما اني مدخن ورمضان يسبب لي ازمات
لذلك افضل قضاء معظم الوقت
بالنوووووم
لي الحين موداشة مخي سالفة ان التدخين يفطر
:)
وأحب أكرر شكري العميق على اخبارنا عن امسية أحمد فؤاد نجم
يعني لولا مدونتكم جان ما دريت عنه
كانت امسية حلوة بس الله يهداه
دكتور الاثار طولها بالكلام
وفعلا انا ما اقرا جرايد الا اذا فيه شي مهم وبعض المقالات
واسف طولت الهذرة والكلام
مو علشان شي بس علشان يكون نوع من تهدئة الاعصاب
يعني بستظرف وبستخف دمي
:p
وادري ان الهذرة الزايدة تزيد الاعصاب
ودمتم بحب وود
المباركية
نفس الشعور يتملكني ،ولكن لسبب آخر غير السبب الذي تحتفظين فيه لنفسك ....
تحاصرني رغبة متوحشة لشرب فنجان قهوة مع سيجارة .. ولكن رمضان يحاصرني أيضاً من كل الجوانب .
( حاصر حصارك لا مفر )
هكذا يقول لي محمود درويش
وسأحاصر الآن رغبتي اذا ما استطعت الى ذلك سبيلا ....
اسمعي هذه الطرفة علّها تخفف عني وعنكِ
مذيعة سألت واحد محشش : شو بتحب تسمع بمناسبة قدوم شهر رمضان الكريم ؟؟
قال لها أحب سماع أغنية :
” رجب.. حوش صاحبك عني ! “
أتمنى أن تكوني الآن خارج الحالة التي
تحدثت عنها ، وأن تكوني بكامل بهجتكِ .
محمد سعيد
Sologa Bologa ..
بالضبط ! ما كان لي خلق أشوف وجه أحد
::
و الله يعينك على التدخين
و خل الزجاير
انا يحروني على سالفة البخور و دهن العود .. اش ياب الطاري يفطرون ؟
::
أما عن الأمسية
فلا شكر عل واجب .. انت شكلك من ربعي ... كل ماصار نشاط ثقافي راح تشوفني معلنة عنه هني أو أدز لك إيميل و لا يهمك
::
هذرتك خفيفة على القلب لا تحاتي
:: :: ::
فهد العسكر
بعد العيد
:: :: ::
محمد سعيد
عجبتني رغبة متوحشة
:D
::
يا حلو محمود درويش . من زمان ما قرأت له شي
::
أنا الآن في نصف بهجتي
و لا أنكر أن الطرفة ضحكتني
;)
شكراً على تعليقك اللطيف أيها الصديق الجديد
broke
البحر مع مطارة شاي حليب ;)
ولا تدرين ... ظلي بالسيارة حوسي
انا لمى اكون بهالمزاج اروح اركض , مالج شغل بالناس سوي اللي تبينه
تبون تعرفون شنو سويت ؟
بعد الدوام ..خلصت لي كم مشوار ..بعدين رديت البيت نمت و ما قعدت إلا حق الفطور .. كليت شي خفيف بعدها على طول رحت سوق شرق لأني سمعت انه عندهم فعاليات تراثية بالمسرح الروماني على البحر
المهم ما نطول السالفة .. رحت هاقن داز ... و تناولت مشروبي مادري شرابي المفضل لتعديل المزاج ، إسمه
Cafe Afogatto
لا يطوفكم
و انا أتناول رشفتي الأولى .. أثناء جلوسي على الطاولات اللي بره بدأ عازف العود المتواجد هناك بمداعبة أوتاره
و صحيح انه عزفه كان مش ولا بد .. بس على الأقل كان مسوي جو مع البانوراما الجميلة
ما طولت وايد لأنه كنت بروحي و بدى يضيق خلقي ..
فخذيت لفة سريعة على معرض لوحات محمد الحديدي في نفس المكان و مشيت
هني عاد .. احترت ..مابي أرد البيت تو الناس .. قعدت أدقدق تلفونات على بعض الناس .. و تلقيت عروض جميلة لقضاء باقي الأمسية في منازل لطالما فتحت لي ابوابها
(الله لاا يحرمني منكم )
لكن في النهاية رسى المركب على بيت خالتي .. وايد استانست و غيرت جو عندهم .. و آخر شي تسحرت معاهم باجيلا و بيض و لبنة و زيتون و جبن و طماط و خيار ..
و رديت ..هذا غير المكسرات و شاي اللومي اللي في البداية
LOL
Ray ..
اقتراحاتك جميلة
بس انا كنت أبي البحر مع شي ثاني
مووو مطارة شاي
أما عن الركض .. ما أسويها الا اذا بالليل و مكان مافيه ناس غيرنا
لوووووول
ضحكتيني على البحر مع شيء ثاني مو مطارة!
أتوقع مزاجك اليوم تعدل,,
لاني متابعة الصحف,,
لم ترتكب أي جرائم خلال هاليومين
؛P
اللي خلاني أرجع أعلق,,
الأفوكاتو!!!!
ماراح تصدقين
بس لأنه
my favorite drink too!
ويضيق خلقي لأنه بسرعة يخلص!
ودي أطلب واحد ثاني عقبه لولا الملامة,,,
وسلامتك
:)
وايد تصير
هالحاله ؟
راي ما راح تنفذينه
ارتكبي الجريمه ؟
قعدي بالدوام قولي حابه الشغل اليوم ماودي اخليه وتنحي عليهم لمن يخلونج
Amal
:D
اكيد تعدل و راح يتعدل أكثر بسبب المفاجأة الجميلة التي حصلت فجر اليوم
ur favorit drink too !
لا عجب .. بما أننا نتفق في أشياء كثيرة
هالأفكاتو مشروب فريد من نوعه .. أقولهم يسكر بدون كحول .. و له قدرة خارقة على منحك الشعور بلذة و متعة الطعم الفريد حتى تخرج منك همهمات لا يثيرها أي نوع آخر من القهوة
(والله مو قاعدة أبالغ)
و ترى حتى آنا ما أشبع منه
:P
بس عادة ما آكل معاه كاراميل وافل
which is also one of my favorite treats ..
إجار الدين كشمش ..
Selezeya ..
مشكوريــن ..فــُرِجت
why?
whats wrong dear????
tell me plzzzzzzzzzz
may be i can help
Post a Comment