أبــِّيه اش سالفة الرياييل مع الشعر الطويل اللي يبين من تحت الغترة ؟
يعني لما المراهقين يطولون شعورهم .. أتفهم .. بس ريال طول بعرض يطول قفته ليش ؟ اذا ناعم أهون.. لكن اذا كان من النوع اللي يوقف أويصير كيرلي اذا طال .. ليش التهول ؟
اليوم ياني زميل بالعمل .. أهو من النوع الزقرتي و ريحته دايما تفوتح .. عطور و بخور .. يعني نظيف ! كان قاعد يقولي شي مهم .. بس ما قدرت أركز بكلامه و السبة شعره اللي قاعد يستفزني و يطل علي من تحت غترته .. ويع .. قلبت جبدي لأن الشعر الطويل على الريال دايما يعطيني انطباع سيء و مرتبط عندي بالوصاخة ! ه
10 comments:
بهالحالة
القرعة اهون
:)
ههههههه
انا ايني نفس الاحساس!
حلاته شعر لاصق على راسه
شحقه يطوله
و ما احب واحد يقولي انا بروح "اقص" شعري!
احسها حصريه حق البنات
اطول شعر شفته كان بدوحه
الاخ دشادشه و شماغ و الشعر بوني تيل لي ظهره
ويييييع
صج لاعت جبدي
عاد تصدقين إن جد أبوي يقولون إن شعره لى خصره ويسويه عجفتين
!!!!
الشعر الطويل هو السائد سابقا وما كان فيه عيب
ويمكن لأننا لم نتعود عليه حاليا صرنا نستنكره
عموما الوالد لحد الحين يحب الشعر الطويل وطوله يصل إلى نهايه رقبته مع قذله طويله
:)
أما شعره فحرير
وإذا إنتقدناه رد أحد حاصله شعر وناعم بعد ... الرياييل أغلبهم صلعان
!!!
أبييييييييه
وييييييييع
احس انه مدهن ومو نظيف
وعلى قولتج لوناعم جان ارتب ...كيرلي جنه معكرونه
يبط جبدي الريال الي يبدع بعمره
حلات الريال ... ريال .. ميزانه اخلاقه ورجولته وتكانته
ويييييع
عندنا واحد بالدوام امطوووووله
و املسسسسسسه بعد!!
عباله انتونيو بانديراس
سامحيه بروك
المسامح كريم
يمكن يبي يسوي عجايف
علشان يغنون له
يا بو جديلة
أعتقد المسألة مرتبطة في
شمشون الجبار..
يمكن يعتقدون انه يصيرون اقوياء
خصوصا بعد ما طغت التفاهة و انعدام الرؤية على مجتمعنا
nice post
hedoo_aa
Manal ..
7adda ahwan !
:: :: ::
Someday ..
صح ..حلاته يقول بروح أحلق .. أو أقرِّع بعد أحلى
::
إستغفرالله .. قطر شفت فيها بلاوي .. يموتون على الكاريه
:: :: ::
Nikon 8
لي خصره !!!!
الله يرحمه بس
::
لو أبوي شعره طويل .. أتوقع أقصه و هو نايم
في أشياء ..أصير فيه متسلطة .. ولا أؤمن معها بالحرية الشخصية
;P
:: :: ::
4
بالضبط ! مدهن و أشياء أخرى ما أحب أذكرها لأني بجنة الحواس
:: :: :: ::
Lawyer
دم ضروي التمليس على الرياييل
الله لا يبليني !
:: :: ::
Aseel
تدرين ؟ الشي الوحيد اللي يخليني أكره أنتونيو هو شعره
مابي أقولج شنو أتخيل اذا شفته
:: :: ::
Sologa Bologa
عجايف بعد ؟
:(
:/
:: :: ::
Hedoo
والله طرى على بالي هالسبب .. بس هذاك عاد محد يصك عليه ..حد الأرف
حبيت عنوان الموضع
Post a Comment