فيني تحلطم
أبي أعرف .. منو السخيف اللي إخترع شي إسمه زوارة ..يعني الواحد ما عنده شي بدنيته عشان يزور بهالصيف من الظهر لي الليل و بمكان واحد
إنزين حطوا الغدا
بلعنا ..سولفنا ..حشينا ..سألنا بعض أسئلة ما لها داعي لأنه ماكو شي ثاني نسويه
زفينا اليهال و هما يتهاوشون .. حطينا لهم توم أند جيري عشان يطخون ... أوكي و بعدين ..شنو الهدف من كل هذا ؟
I really have better things to do in my life !
Why do I have to stick to the same routine every weekend ?
أنا لست ضد فكرة التواصل مع الأهل بشكل أسبوعي ..بس ليش 7 ساعات باليوم يا ناس ليش ؟
المشكلة اذا كشتنا أو زرّقنا ..ينغضب علينا و ينمد البوز
أو كلش كلش .. سمعنا لنا كلمة عتب كفيلة بقرص أذن الضمير قرصة يظل أثرها في القلب على مدى أسبوع
أوكي .. كفاني تحلطماً
كاني ببدل و بروح
من له خلق يتمرد على كل شي ما يعجبه بحياته
::
أخليكم مع المسباح .. أكثر صوت يلطف المزاج
14 comments:
أخاف فى المستقبل نكتب بوستات عن أيام الزوارة ,شلون كانت حلوة وحسافة على ذيج الأيام واليمعة
انا هوشاتي مع أهلي كلها سبتها هالعادة السخيفة !
الامور هذي يبيلها طولة بال
حاولي تكافئين نفسج على هالسويعات السجينة .. راح تحسين براحة
Daggero
فالك ما قبلناه
الله لا يقطعها من عادة
كل اللي أبيه إنه يتقلص عدد الساعات من سبع إلى 3 و أهم شي إنها ما تكون إجبارية .. عشان ما تصير ثقيلة على القلب
:: :: ::
Blog 3amty ..
المشكلةإنهم خلوها شي روتيني و ممل
و المسألة تفرق من عايلة لي عايلة
يعني في ناس يحبون يغيرون نفس أهل أبوي ..فالزوارة معاهم تصير خفيفة ..لكن أهل أمي ..يحبون الشي التقليدي.. بلوة
:: :: ::
محسد
والله فكرة
لازم تغيرون روتين الزوارة ويكون فيها شي متجدد وتصير حلوة
:p
لعبوا أونو
حياتج هدف مو عبث
هذا اللي أتمناه
أما الأنو .. ما جربنا نلعبها بالبيت .. لأنها من طقوس الشاليه
انااااااااا من اكثر الناس المحافظين على الزواره كنت
لي توفت يدتي تمردت
ياااااااااربي
زوااااااااره من الظهر لي الليل؟
راح الويك اند
الا ااذا كانت في شاليه ممكن
بسسسسسسس اذا بيت
انا بعد اهل امي جدا تقليدين في الزواره
Lawyer
هذا اللي قاعد يصير
شكلنا كلنا نفس الحالة
:/
واااااااااااي الله يعينج ..
الصراحه قمته لو انا منج جان ماده البوز شبرين
تبين الصج.. سوي اللي يريحج مو شرط تلتزمين بالزواره طول هالوقت
روحي تغدي و قعدي شوي و تالي طلعي
قوليلهم عندج شغل، معزومه مع ربعج، موعد طبيب
المهم تطلعين...
والله مي حاله مع تحلطمهم..
انا مثلج الزواره مقدسه بس صرت ما القيهم ويه زايد
ما ابيهم اتعودون على وجودي
اروح شوي و اطلع
......
مي حاله.. يخلص الويك اند واحنا ما تمتعنه فيه..
ماجووووووج
Majooj ..
إيه . مو كل مرة أقدر أقعد يوم كامل
لازم أطلع لي مشوار أغير فيه جو و أرد
بس عبالج يطوفون لي ؟
حشى ..معتقل ..مو زوارة
:P
يعتمد
الزواره بيت الاهل
والا بيت اهل الزوج
الوضع يختلف
كل مكان للزواره فيه طعم غير
شمس
ويع .. هذي راحت عن بالي .. الله يعينا اذا تزوجنا
تصير الملاقة ملاقتين
احنا شعب نص وقته اذا مو أكثر ضايع بالمجاملات و الواجبات الإجتماعية الخانقة
tadren enty sheno moshkeltich
" '6AMIRICH "
a7la shay ench t3lminhom ench motamaredah .. marah eten .. mara la... mara ne9 zwarah .. o 6aaaaf et7l6m ahm shay u enjoy ur time o u saw them :)
a7la shay bednya alym3h .. bs le wagt mo3ain o BS
Feelings Talk
تدرين إنه ضميري مأنبني لأني كاتبة هالبوست
:P
أحس الواحد المفروض ما يتكلم عن أهله اللي يحبونه بهالطريقة ..بس صج حزتها كنت محترة و مغصوبة
شوفي أنا أقدر أتمرد على الكل ...إلأ خالتي الكبيرة صعبة .. فيها من ريحة جدتي الله يرحمها
و اليمعة دايماً في بيتها
Post a Comment