إياكم .. إياكم و الذهاب إلى اللأفنيوز هذه الأيام في الفترة المسائية
المعاشات نزلت مع بداية عطلة الطلبة و الوضع مزري
و جرأة المصبنة ما لها حدود
أمس شفت مناظر أول مرة أشوفها بالكويت
مراهق يتحرش بمراهقة و يصورها بتلفونه غصب و " فجأة " يتكافخون
طق .. طق مو غشمرة
مجموعة بنات قاعدين ع الكراسي اللي بالممرات .. "و هم فجأة " يقعد يمهم واحد و يصرخ بويوهم
و كل شي بصوب و اللي قاعد يصير بالكافيهات اللي عند النافورة بصوب
الله يعافي اللي ضبط لنا المخيم هالسنة و خله المراهقين اللي عندنا يطشون بالبران
صج خذا فينا و فيهم أجر
بس آنا لي الحين مصدومة من اللي شفته أمس ! ه
7 comments:
رفيجتي تدرس بره مع زوجها من سنين
قبل امس عزمتها على العشا هناك
طقتها البوهه
تقولي هذي الكويت؟
ما كانت جذي
:(
عسى مخيمكم شمال؟
:pp~
tara it's not just avenues
it's even the simple places
co-op
mamsha
as if 9arat jump all the sudden!!
new level of lower morals has been established and it's affective immediatly!:S
you girls should walk around with mace in ur hands!
المجمعات ما تنبغى بالعطلات والأعياد من المصبنه وتعديهم حدود الأدب فى الأماكن العامة
الله يهديهم
آمين
و الله عيب
الدول الاوروبية اللي ما عندهم دين ما تصير هالسوالف
و احنا اهل الدين شبابنا و بناتنا جذي ؟
وين الاهل وين التربية
ترى مو غلطة هالمراهقين
هذول يهال محد علمهم الصح من الغلط
و العيب والادب
بداية الحل نمنع السشوار من البلد
!!!
اناااااااا مقاطعه الافنيووووو
اذا فيج رووحه الساعه 10 الصبح
لي الساعه 11 و نص و من يأذن الظهر
رداااااااي
الافنيوووو شي مو صصصصصصج
لا يطااااااااااق
قبل نشتكي من الهيلق
الحين الي نشووووفه صفطوووووا هالهيلق
اناااا ذاك اليوم بالحماام
ويمي بناااات يحطون ميك اب
الحوااااااار الي دااااار
و الهلااااقه
و مستوى الحدييييييييث المنحط
خلااااااااني لي يومج مصعووووقه
اسم الله عليج من الصدمات حبيبتي
انا دايما احط في بالي اني الوحدة الي تنصدم من الوضع بالكويت
بحكم غربتي
وارجع الكويت مرتين بالسنة
بس لا هذا شي صعب الصراحة
الله يساعدكم على هالمناظر
Post a Comment