طبيعة عملي تفرض علي إني اشتغل مع كل اللهجات العربية
و كل لهجة لها نكهة تميزها و أنا نوعي " أتأثر بالكلمة الطيبة و اللفظ الحسن" ه
يعني .. الكويتي لما يكلمني يحسسني ساعات إني قاعدة بديوانية .. لما يقولي هلا يـبا
أما اللي كبر جدي يرد علي هلا أبوي
و اذا صار رسمي .. قال هلا أختي .. يعني مصطلحاتهم ما تطلع خارج حدود المنزل
البحرينيين .. ما تطيح من لسانهم : يا الشيخة
مع نبرة صوتهم المميزة .. أحس إني لابسة بخنق و تفوح علي ريحة دهن عود
المصريين .. ما يحتاي : سعادتك و حضرتك و يا أستازة
هذي تخليني أحس إني قاعدة بمكتب فاخر و عرضه لا يقل عن 10 متر
ما يـبـين مني إلا راسي
همممم .. اللبنانيين و ساعات السوريين : سـتـنا
ولا تعليق
العراقيين .. اذا رسمي ست بروك و اذا فيها طرارة و تمسكن .. أصير : دادا
في كلتا الحالتين .. أتذكر المواويل العراقية و أحس إني قاعدة أكلم شاعر
المغاربة .. أحلى شي
والله حسيت إني قاعدة بقصر قبل شوي يوم قالت لي
طيـِّب صباحك .. لــِـلاّ
