بس عشان أتأكد إن في ناس نفسي و إني انسانة طبيعية
شنو التعليق أو السؤال اللي ما ودكم تسمعونه من زميل/زميلة معاكم بالعمل من الصبح ؟
سواء كان سلبي أو ايجابي .. شنو التعليقات اللي تلوع جبدكم اذا سمعتوها و انتوا توكم راكبين الأصنصير مثلاً
أو لما تجبلون على أحد من صباح الله خير ؟
15 comments:
شفيج ليش ويهج اصفر
@@
شفيج سرحانه شنو مضايقج
حزتها ودي ارد عليهم شكوووو
اكتفي بابتسامه بارده والف راسي
اما سالفة اللفت فما استخدمه افضل السلم عشان احرك نفسي شويه
وصباحج خير يارب
انا متعسره و مالي خلق
و هذولا يسألون اشلوووونج!
مالي خلق انا خارج نطاق التغطيه من الساعه 7 لي 9 لاحد يسلم علي و لا يحاجيني
شعندج كاشخه اليوم؟
^
^
أوووه أوووه اليوم حاطه حمره / كحل / أور وات إيفر
ماااادري ياربي شي غريب اهوه ولا شنو
واولا وليس أخراً >>>> صباح الخير
مالي خلق حتى احد يصبح على أول ما ادش الدوام مالي خلق احد يحاجيني لأني متحفزة للهواش من الصبح لمعرفتي السابقة بنمونة الناس اللي بشووفهم
هذا وضعي عندما كنت في العمل
^
^
على طاري السلام و صباح الخير
خصوصا للجنس الناعم - على أساس يعني
:P
لما أصادفهم و أضطر
دايما اهمسها همس
أنا نفسي ما اسمعها
مرات بقلبي
و استغرب انهم يردون
صباح النور
و عليكم السلام
أتوقع هو الإحساس بما نتوقعه
بس الصراحة سينسرز مو طبيعي
هههه
.
.
مدري والله يا بروك
أنا مريح بالي .. و على مكتبي على طول
و مرات و أنا بالدرب لي المكتب افصخ نظاراتي
عشان ما أشوف إلا مترين جدام بس
ما أعرف أجابل شخص اول ما اقوم من النوم
أو أسولف مع أحد
إلا إذا كنت أحبه
:)
طبعا الأسئلة الموجهة لنا
نحن الشباب تختلف نوعيتها عن الأسئلة الموجهة للبنات
مع الاتفاق في المضمون
اتنرفز اذا احد سألني
ها منعم اليوم شنو حالق لحيتك بصخره؟
ليش حالق عندك موعد خاص؟
وإذا طولت اللحية قالوا ها صرت سلفي
هذا غير السؤال المعتاد
الدنيا حر ليش تلبس جوتي وانتي بكرامة
إي ما احب البس نعل أحب ألبس جواتي
كيفي مرتاح جذي
:)
وهلم جرا من هذه الأسئلة اللي تنرفز
متى الزواج؟
وزنك زايد
شكلك تعبان
ليش متأخر؟
منو اللي وياك أمس؟
المهم إن كلها أسئلة بدون جواب، لأني ما أرد على أي سؤال أو تعليق ما اييوز لي
واااي تبردون القلب
الحمدلله كلكم نفسي .. يمكن آنا ألعن شوي .. بس على الأقل تأكدت إن نرفزتي طبيعية
:: :: ::
الزين
اللي ألعن ..ليش عيونج متفخة .. باجية أمس ؟ فيج شي ؟
يا ليت أقدر أحقر ..مشكلتي إني أرد !
و أبرر بعد
:: :: ::
Lawyer
آنا أسلم و أصبح مو مشكلة .. بس ما عندي استعداد أسمع أي تعليق أو سؤال
أمس وحدة أول ما صعدت معاي الأصنصير
سألتني بتسافرين هالصيف
بذمتج هذا سؤال ينسأل بهالوقت و هالمكان ؟
:: :: ::
نون النساء
اشعندج متبخرة ؟ شلون يمديج ؟ الساعة جم قاعدة
ها اليوم لابسة أبيض ..شنو انخطبتي ؟
أوووه اليوم بنفسجي..
أصفر ..أحمر .. بيج ..الخ الخ الخ نفس التعليق على كل لون ؟
أو ليش لابسة أسود ؟
أبي أفهم شنو اللون اللي ممكن إنهم ما يعلقون عليه
اففف ..صج شي ينرفز
:: :: ::
Anonymous
LOL
ضحكتني
صح .متوقعينها ..عشان جذي يردون
:P
آنا سيده المكتب ..بس ساعات البلاوي اتيي لي لي عندي ..أو هالدقيقتين اللي بالأصنصير كفيلة بأن تعكر مزاجي من الصبح
Sologa Bologa
واي فظيعين ! يا ربي ليش اللقافة .. آنا ما أتجرأ أتليقف إلا مع خواتي .. لا و ألحين قاعدة أدرب نفسي إني ما أعلق على أي أحد خير شر عشان محد يعلق علي
استغفرالله مليت من أسلوب المراقبة
المشكلة إنهم ينتبهون حق كل شي ..حتى الأشياء اللي ما تتوقعها
:: :: ::
Fahad Al-Askar ..
مأساة !
بس آنا من غير ما أحقر ..قاعدة يقولون عني نفيسة و كله أنزر
اذا حقرت شيقولون
ودي ..ودي أتعلم على إني ما أرد .. بس ماني قادرة
تصدقون ارتحت عقب ما قريت تعليقاتكم ... هذي ميزة التدوين ..دايماً الواحد يلقى أحد نفسه
شفيج !! ويهج متغير !
جنج ضعفانه ! ( هذي لما تكون الوحده ضعيفه ) ولا جنج سمنانه ( لما تكونين سمينه)
Anonymous
بالضبط ! آنا مو بس يقولون عني اشفيج ضعفانة .. لا اشفيج مختفية
يحرروون
استغفر الله ألف مرة
الكلام اللي ما أواطنه من الصبح بالدوام
وجهك أصفر ......بالنسبة لي تعليق مكرر شارد عليه يعني
عسى ما شر....ودي أقول: ما من شر إلا تعليقاتكم
ضعفانة....ودي أرد: وأنا متى كنت متينة أصلاً
متضايقة...أحس بأصرخ: يعني لو متضايقة بأفتح لكم قلبي على الطاير
مسمّرة وايد رايحة البحر....ويكون بالصيف شأقول: لا والله طالعة مخيم
ولادة
Exaactly !
يبدو إننا كلنا معرضين لنفس النوعية من التعليقات
و آنا أكره ما عندي التعليقات الغبية
اللي بعرفه هل الناس يفكرون قبل لا يتكلمون ولا بس يدربحون تعليقاتهم لفتح موضوع .. يعني لمجرد الكلام
أو لتضييع الوقت ؟
مادري ماني فاهمة
::
عجبني تعليقك عن الضعف
شكلي راح أغشه منك مع التحريف
هلا غلاي ...
الأسئلة هي :
1- شنو غداكم اليوم ؟ : )
يبه افطري بالأول :p
2- ليش متأخرة؟
التعليقات :
1- اشعندج على النفس يالله صباح خير
2- مسويه فيها شاطره وهابت ريح
طبعا بعدها تركت الشغل .. بعد ما سنعتهم ومشيتهم على الصراط المستقيم :p
لروحكِ البنفسج
روميه
رومية
يا سااتر ! سالفة الغدا ما مرت علي و إن شاء الله ما تمر
Post a Comment