أمس أول مرة أطلع من التصويت و آنا مو مرتاحة ..لأني مو مقـتـنعة 100% بتصويتي ، و حاسة إن ولا واحد من اللي صوت لهم راح يفوز . وهذي أول انتخابات تمر علي دون أن أتنقل من ندوة لي ندوة ! باختصار .. كنت خليط من اللامبالاة و التشاؤم و الإحباط لكن من انتصف الليل بدت هرموناتي ترتج من الدهشة و الفرحة .. صحيح اللحايا و العقول المتحجرة و الأصوات النشاز ما زالت موجودة لكن وصول نسائنا الأربع كان بمثابة ألذ جرعة تغيير و أمل .. احنا في أعز الحاجة لها و أعتقد إنها أولى خطوات التغيير اللي تخلي الواحد يحس إنه مقبل على مجلس مختلف و ربما .. وطن أجمل و أفضل
د.معصومة .. د.سلوى .. د. أسيل .. و د. رولا
ألف مبروك .. لنا و لكم .. و عساكم ما تخيبون ظنـّا و فرحتنا فيكم
4 comments:
فعلاً جرعة لذيذة ومكثفة
ولا مجال لخيبة الأمل لأن العدد أربع إن خيبت واحدة الظن أكو غيرها
كما أن دخلوهن معاً بهذا التنوع والعدد أمر إيجابي...وأداء كل واحدة على حدة سيحدد فوزها المرة الجاية لا أكثر ولا أقل
الإنجاز تم والسلام
لا تحاتين خيبة الامل خليهم هم يحاتون
انشاء الله ما يخيبون ظنا
هذا انجاز لتاريخ المرأه الكويتيه على الي حققووووووووه الاربع ما قدرو يحقوقونه نسااااااء امريكااااااا
ياحلوووووووج امس اتهبلييييييييييين
تكفين شفتيني و انا طااااايره شاخطه وماسكه خالتي بعد قلبي لا تظيييييييييع مني
امس كان يوووووووووووم جميل
فعلا لحظة تاريخية
و اتمنى من كل قلبي ان الانتخابات القادمة يرجعون الأربع و معاهم ثنتين من الدائرة الرابع ة الخامسة
لأن إذا صار هالشي معناته ان كان أدائهم رائع و ما خيبوا ظنا
ولادة
كلامك مقنع
الله يعينهم على المسؤولية .. لأن الناس توقعاتهم عالية .. و يبونهم يصنعون التغيير داخل المجلس
:: :: ::
Lawyer
المرأة الكويتية الحين محد يكلمها ..صج ترفع الراس
::
عيونج الحلوة
انتي تقولين يا حلوج و تهبيلن و واحد من اللي يشتغلون مع السلطان أول ما شافني مجبلة بسيارتي .. ياني و قالي .. خاااالتي لا تنسين بن عيسى و العميري
تخلخلت حنوج العدو
وهو أطول مني و عمره مو أقل من عشرين
تحسفت ليش بطلت له الدريشة !
::
صح ضحكتيني و انتي مشتطة .. ما عرفت أسلم عليج عدل
:P
:: :: ::
Anonymous
إن شاء الله ذكرى تبرد كبدنا بالرابعة
الانتخابات القادمة
although that I see enha she already did
أما الخامسة .. خل يطلعون منها رياييل مثل الأوادم عشان .. تطلع إمرأة
غريب أمرها هالدائرة
Post a Comment