و أحمد الله إني معك

أسمعك

.

.

.

الله لا يحرمكم

Dr.Wafa says : No coffee , tea , chocolate , or milk !

.

.

.

But If I'm working for 8 hours everyday , how can I boost my mood and energy without having any of the above ?

I can't think of any alternatives !

Juice ?

ما يسوي شي ! ه

يتفخ البطن على الفاضي

Herbal tea ?

طعمه مليق

::

اليوم و آنا بالسيارة التفت على مكان قهوتي لقيته فاضي

عورني قلبي ... كنت متهيأة لأن انحرم من الفلافل وربعها

بس القهوة و الككاو ؟

مو مقتنعة

لكن شسوي .. حكم القوي على الضعيف

كسرني الخوف .. مرة أخرى

في الخمس السنين الأولى من عمري العشريني اكتشفت أنني بدأت أخاف من أمور لم أكن أشعر أمامها بذرة من الخوف عندما كنت في سن أصغر .. عندها آمنت أن الخوف بمختلف أنواعه لا يـتأثر فقط بتجاربنا أو تجارب الآخرين السابقة بل يرتبط أيضاً بالمرحلة العمرية التي نمر بها و كتبت في بوست سابق عن هذا الموضوع . و اليوم .. عندما أصبحت في المنتصف الثاني من العشرينات بديت أستوعب نوع ثاني من المخاوف و هو إني صايرة أخاف من الطبيب و الفحص و الإبرة و الدريب و من يقولون لي فيني شي أبجي و أتحسف إني رحت و طبعاً أنحاش و ما أكمل علاجي أو مراجعاتي . ليش ما أدري ! ه

.

من مدة أسبوعين تقريباً قررت إني أضع حد لمشاكلي الهضمية و رحت حق دكتورة الكل يمدح فيها و بعد الفحص قالت إني محتاجة لعمل منظارين للمعدة و القولون في يوم واحد ..طبعاً آنا من سمعت هالجملة انخبصت و كان ودي أطلع من عيادتها و ما أرجع ... بس عطيت روحي فرصة للتفكير و تذكرت معاناة وحدة معانا بالدوام أجلت موضوع المنظار سنة كاملة لين صارت حالتها أسوء . فقلت خلاص بتوكل على الله و بواجه خوفي . قبل لا أطلع من العيادة مريت المختبر عشان أسوي بعض التحاليل و هني بدت المناحة .. من مسكوا إيدي لين ركبت السيارة و رديت بيتنا و آنا أبجي الحمدلله والشكر . ه

.

الأيام اللي طافت كلها كنت قاعدة أحاول أتناسى الموضوع .. بس الحين قربت الصجية و موعدي عقب باجر . و أمس كنت مضطرة أروح العيادة عشان آخذ ورقة التعليمات اللي لازم أتبعها مع الدوا (المسهِّل) قبل موعدي بـأربع و عشرين ساعة .. فاشتغلت فيني المحاتاة و الخوف من جديد لي درجة إنه بطني طول اليوم كان يعورني من الخرعة . يوم شفت روحي جذي .. رحت أبجي عند أمي و أتحلطم عليها قلت يمكن اذا فضفضت أطخ .. ماكو فايدة .. أصلاً طلعت منها و آنا محترة لأنها كانت خاشة ضحكتها و هي تواسيني .. مو متعودة تشوفني بهالخوف . و عشان أخلص روحي من هالحالة اللي آنا فيها.. قلت ماكو أحسن من المشي .. بس الله يهداني ما مشيت إلا مع وحدة مسوية هالمنظارين من قبل و أول ما قلت لها إن موعدي يوم السبت ، شاركتني بتجربتها و اشتغلت علي تخرررع ..عيزت أسكـِّت فيها ! أقول لها مابي أسمع ! بس ماكو فايدة ! ه

.

اليوم الصبح قعدت وانا مطمئنة و متفائلة يمكن لأني طـلَّعت اللي بقلبي و أمس بالليل غيرت جو .. يعني خلاص استسلمت و ما بقى شي .. بس الله يعينـِّي يوم السبت . آنا ضامنة إني ما راح أنحاش لأن أمي و أختي راح يكونون معاي و راح أحاول أغمض عيوني طول الوقت و ما أشوف شي من اللي راح يسوونه بس اذا صار و شفت .. الله يستر من خيالي الواسع .ه

درس في حب الذات

براجع نفسي

(Song Link)

شرارة

في شي غريب بالموضوع .. خذيت دورات الدنيا .. قريت و تعلمت و طبـَّـقت اللي تعلمته مع الكل .. إلا أمي .. ليـــش ؟

ليش ما أقدر أطوِّف و ليش إهي عندها قدرة خارقة على إستفزازي . و ليش لما يدور بيني و بينها أي جدال أو نقاش مهما كان سخيف أو قصير " فجأة " ألقى نفسي أتحول إلى نسرة و لساني يلوط أذاني و ردة فعلي تكون سريعة جداً و بدون تفكير .. كأني شرارة شامة ريحة بانزين ! يعني ما يمديني أطبـِّق شي من اللي تعلمته بدوراتي و لا يمدي أتعوذ من ابليس . و بعد دقايق من الإشتعال .. أتحسف على قد شعر راسي لأني ما كنت باردة معاها كثلجة . ه

أففففففففف .. تعبت من هالوضع .. جان زين في سبراي الواحد يحطه بمخباته طول ماهو قاعد بالبيت و من يسمع كلمة تنرفزه .. رشه على روحه عشان يتحول إلى مخلوق عديم الإحساس .. لا يرى لا يسمع لا يتكلم . ه

أكثر من عدد ذنوبي

كلمات : غادة السمان

: : :

.
حين يأتيني وجهك
أصير مرهفة
كرمال شاطئ تنبض ذراته
تحت جسد ليلة صيف باهتة
وقرعات طبول الموج
وموسيقى النجوم الخافتة
وأخفق لكل ما هو طيب ونبيل
في كونك المسحور
وتندف فوق أيامي
تندف مطراً مضيئاً
يغسلني بالغبطة

...

لم أكن أدري أن الزمن
يختزن لي هذه السعادة كلها
ولا أريد أن أصدق
أن سعادتي معك الآن
هي طعم في صنارة الشقاء الآتي

...
كل هذا الحب الذي تغمرني به
أمتصه بشراهة التراب الجاف
دونما عقوقه
وأحبك كثيرا
أكثر حرارة من البراكين الحية
أكثر عمقا من دروب الشهب
أكثر اتساعا من خيالات سجين
أحبك كثيرا
أحبك حتى أكثر من عدد ذنوبي

وحشنا قلبك الطيب

وحشت الدار

(Song Link)

...

عبدالله كان المفروض ينزل هالأغنية سنغل لأنها خربت على باجي الأغاني اللي بالألبوم . آنا وحدة من شريت هالسي دي و آنا ماني قادرة أندمج بغيرها .. أعيد و أزيد فيها لين تخلص دموعي و أحس إنه غناها عن كل الجدات اللي راحوا و خلونا . الأغنية كاملة و الكامل الله بس عيبها الوحيد إنها قصيرة

نسيني الدنيا

في نوعية من الأغاني لما أسمعها الصبح و آنا رايحة الدوام .. أحس إني قاعدة أطير و أرتفع معاها إلى سماوات بنفسجية .. مو بس جذي ، أحسها تفصلني عن العالم الخارجي و تصير الدنيا لحظتها مجرد أغنية يهتز لها القلب . نسيني الدنيا .. من هذا النوع من الأغاني بالإضافة إلى ارتباطها بمشهد لا ينسى مر عليه أكثر من 3 سنين و هو رقصة رفيجتي عليها أيام خطوبتها من زوجها الحالي اللي جمعتها فيه علاقة حب عنيفة قوبلت بالرفض التام من قبل الأهل . رفيجتي الحين حامل في الشهر الثاني بعد طول انتظار و أمها بـ قدرة قادر صارت تموت على زوج بنتها لي درجة إنها ما تروح و ترد و تسافر إلا معاه ... دنيا . ه

ما علينا من أغنية راغب و رفيجتي .. عندي استفتاء/سؤال لقراء مدونتي الكرام

Are You Happy With Your Job ?

شهوة القلب عونه -3

تذكرون هالبوست ؟

صار لي أكثر من سنة ودي أروح الخفجي

بس ما صارت إلا أمس

...

هالويك إند كان المفروض نروح منتزه الخيران بس كنسلنا بسبب المطر

فحدي استعسرت و كان ودي أغير جو و أروح مكان يديد بس ما كنت قادرة أفكر بشي

أحس أفكاري خلصت .. لكن استعنت بوحدة من الأهل اللي نادر ما أسمع منها كلمة لأ

واقترحت إن نروح الخفجي

والله ما قصروا مروني من صباح الله خير هي و زوجها

فكانت رحلة خفيفة و لطيفة و هذي مقتطفاتي منها : ه

::

passportes ?

الحدود الجنوبية .. معقولة محد نبههم على هالغلطة .. ولاّ السالفة سالفة إهمال و بس ؟ ! ه

يفشلون

::

هذا أول معالم الخفجي .. الكورنيش

طبعاً لازم النغر ..كلنا علقنا ..ليش ما عندنا شبات زرق بالكويت ؟

شكلهم صج يشوق مع مظلاتهم الملونة

::

الوضع حده صخة .. و ما في أحد غيرنا بالمكان

على قولة اللي معاي ..ديرة أشباح

::

بعد ما شمينا هوا بحرهم ..قلنا خنروح نتشمي بشوارعم

و نمر سوقهم اذا فيه شي يسوى

و احنا تجول .. لفتت نظرنا ثلاثة أشياء ..الأول : اهتمامهم بالتخضير

ما شاء حتى شبّاتهم معلقين فيها إصيصات زرع .. لول

بس ما قدرت أصورهم

الثاني : كل دوار نمر عليه لازم يكون فيه نصب تذكاري

و الثالث : الطابوق الملون

أرضياتهم تونس .. كلها ملونة

::

يوم قربنا من السوق .. أحلى مفاجأة كانت بانتظارنا

عورني قلبي يوم شفته

::

هناك وين ما تمشي لازم لافتات إرشادية من هذا النوع

ضحكتني

:P

::

أول سوق شعبي دخلناه .. فيه كل شيء فأكثر

.

ليش فأكثر عاد ؟ مو و أكثر ؟

أهم شي إنه عندهم مطارة شاي إسمها لميس

الحمدلله و الشكر حتى المطاطير يسمونها على الحلقات ! ه

::

خلصنا من السوق العادي .. قلنا بنروح سوق السمك

و احنا مارين بمحطة البانزين .. لقينا هالمـُعـلَّـقة

:P

::

هذا سوق السمك

غير عنا .. الدكاكين مفصولة .. كل واحد بروحه

و السمك محطوط بثلاجات .. مو مكشف و معروض بره

طبعاً الكويتيين هناك يشترون بالهبل ..كأن سوقنا فاضي ..بس على قولتهم أرخص و فرش أكثر

::

و بما إنه منحاشين من الزوارة .. شرينا حق جدتي هامور و بواليل عشان نساحلها

::

يوم قربت حزة الغدا .. حكنا اليوع .. قلت لهم أبي أجرب أكلهم ..خاصة العيش البخاري

وايد أسمع عنه .. اللي معاي ما كان ودهم .. كلش مو من ربع هالسوالف بس مع شوية تشجيع مني

وقفنا هني

I still can't believe that we had our lunch from that place !

المهم خذينا غدانا .. و رحنا الكورنيش

أول ما وصلنا ..شفنا هالقعدة ..حدها تشوق

قلت لهم .. خل نقعد هني

::

جان يقولون لاااا هالأكلة يبي لها تبسط ع الأرض

والله و فرشنا بساطنا المبكـَّر و ضربناها بالخمس

::

أنا مو من عشاق الدياي المشوي على الفحم

بس هذا كان غير .. بدون مبالغة أول مرة مرة أذوق دياي مشوي لذيذ جذي

::

بعد ما كلينا تمشينا شوي هني

و هني

::

آخر شي .. شلنا أغراضنا و ردينا ديرتنا و حمدنا ربنا على المزاج الشعبي اللي كنا فيه

و قبل لا نوصل البيت ختمناها بـ

Coffee Republic

مينا عبدالله

يعني بنهضـِّم و نصحصح بعد هالغدا الدسم

بس ماكو فايدة

آنا أول ما وصلت البيت .. سيده الفراش

صار لها أكثر من شهرين

أكدب عليك .. بصوت وردة

(Link)

أو

بصوت آدم